Usajili wa Mbolea ni mchakato rasmi wa kisheria wa kusajili mbolea ili iruhusiwe kuingizwa, kuzalishwa, kusambazwa na kutumika nchini. Lengo lake ni kuhakikisha usalama, ubora na ufanisi wa mbolea kwa mazao na mazingira.

Mambo Muhimu katika Usajili wa Mbolea

1. Maombi ya Usajili
   Muombaji huwasilisha taarifa za mbolea kupitia mfumo wa mbolea FIS (aina, muundo wa virutubisho, matumizi yaliyokusudiwa).

2. Nyaraka za Kuambatisha

   • Cheti cha uchambuzi

   • Taarifa za usalama wa mbolea

   • Kibandiko

3. Uchambuzi wa Maabara
   Mbolea hupimwa ili kuthibitisha viwango vya virutubisho na usalama.

4. Majaribio ya Shambani (ikiwa yanahitajika)
   Hutathmini ufanisi wa mbolea kwa mazao husika.

5. Uhakiki na Uidhinishaji
   Mamlaka husika hukagua nyaraka na matokeo kabla ya kutoa kibali.

6. Kutoa Cheti cha Usajili
   Mbolea ikikidhi vigezo, husajiliwa na kupewa cheti.